Video zum Jubiläum
Der komplette Artikel:
Baur: Hessisches Urkundenbuch I, Nr. 520
1327 (9. Juni.)
Nos Johannes de Kynzenbach miles et Lysa coniuges recognoscimus, quod cum strenuus miles dominus Rycholfus de Kynzenbach ac Elizabet vxor ipsius felicis memorie, parentes mei Johannis antedicti, capellam in villa Kynzenbach in honorem omnipotentis dei, eiusdemque gloriose genitricis virginis Marie, beatique antistitis Nicolai alque omnium sanctorum construxerint et eandem suis stipendiis, agris et bonis in villa predicta sitis dotauerint, nos Johannes et Lysa predicti adicimus doti predicti capelle xl. marcas denariorum, quibus redditus annui ipsi capelle comparari volumus, ut sacerdos ibidem pro tempore celebrans ipsarum predictarum et omnium fidelium animarum memoriam suis deuotis orationibus assidue faciens valeat eo commodius sustentari, idem sacerdos nichilomnino unquam uerbo uel opere attemptare debet, quod sit aut fieri possit in prejudicium matricis ecclesie videlicet in Huchilheym, ad quam spectant de iure homines in dicta villa Kynzenbach.
Baur: Arnsburger Urkundenbuch Nr. 5
1210
Fr. M. dictus abbas in Arnesburc. Innotescat Christi fidelibus, quod nostra ecclesia communicato consilio duo prediola sita in Colenhusen, xvi solidos leues et maldrum auene et duos pullos ac anserem duabus capellis in Oberngulle et in Rodenscheit soluentia, mediantibus legittimis patronis et consecientibus domino Hartmudo de Traha et filio suo Helfrico ac fratuelibus suis Curado Sezepanth et aliis, cum omnibus attinenciis, sub testimonio illustrium virorum, pro alio predio nostro sito in Oberngulle, xxvi solidos leues solvente, rationali contractu sibi comparavit.